پۆلیسی سلێمانی: ٢٩ تۆمەتبار دەستگیر کراون

وكالة الارامية / القسم الكوردي

پۆلیسی سلێمانی ڕایگەیاند، لە چەند ڕۆژی ڕابردوودا هێزەکانیان لە بەشی پۆلیسی پێنجوێن ٢٩ تۆمەتباریان دەستگیر کردووە و دەستیشیانگرتووە بەسەر ژمارەیەک چەکدا.

بەڕێوەبەرایەتی پۆلیسی پارێزگای سلێمانی لە ڕاگەیەندراوێکدا بڵاویکردووەتەوە، لەسەرەتای ئەم مانگەوە تا ئێستا بەشی پۆلیسی پێنجوێن ٢٩ تۆمەتباریان بە تۆمەتی جۆراوجۆر دەستگیر کردووە.

ئاماژەی بەوەش کردووە، لەو ماوەیەدا بەشی پۆلیسی پێنجوێن بەپێی مادەكانی ۲۲ و ٢٣ی هاتوچۆ و ٤٤٦ لە یاسای سزادانی عێراقی، دەستیگرتووە بەسەر ١١ ئۆتۆمبێلی جۆراوجۆر و چوار چەکی جۆری کلاشینکۆف.

بەڕێوەبەرایەتی پۆلیسی پارێزگای سلێمانی ڕاشیگەیاندووە، هاوڵاتیانی قەزای پێنجوێن دڵنیا دەكەنەوە كە هێزەكانیان بەردەوام لە ئامادەباشیدان و مەفرەزەكانیان لەسەرجەم شەقام و كۆڵانەكانی قەزاكە بوونیان هەیە لەپێناو ئارامی و پاراستنی سەروماڵی هاوڵاتیان.

 

اترك رد

لن يتم نشر عنوان بريدك الإلكتروني.

ArabicEnglishFrenchGermanItalianKurdish (Kurmanji)PersianTurkish